Niejen Twitterwet um nog mear te nöalen

Foto: techcrunch.com
Foto: techcrunch.com

Ene van de vervelendste Twitterwetten wörd wippet. Met #beyond140 wordt de naams van leu woerop as iej sprekt neet mear metrekkend in de tekengrenze. Der keump dus mear ruumte vuur diskussie.

Et helpet ook tegen de “Twitterklem”, woerbie zik verdan mear leu met een gesprek bemöait, zodet der zowat gin tekens oawerbliewt en et gesprek vaste löp.

Twitter hef der al met testet en de eerste leu köant et al zeen. Et apenstärtke of apenkrul steet nit mear in et bericht. In stea doarvan keump der in grieze letters boawen te stoan at et een antwoard is. Et bekeande @broeker is vort. Det kan leu loaten deanken det ze neet op iemand antwoardet, mer nen niejen tweet skriewt. Duur op et blaauwe ‘aanderen’ te tikken in de grieze riegel, kön iej zeen an wee as iej skriewt. Doar kön iej der dan ook leu bie doon of vorthalen.

twitter-replies-character-count

Twitter kondigen de veraandering in mei al an. Een antal aandere #beyond140-anpassingen zeent al duurvoord: iej köant oezelf non retweeten en invoogsels zo as foto’s wordt neet met-teld in de tekens.

1474249958_3747437

Toen as Twitter der met köm, zeaden ze eankel at de namen neet met-teld wordt. Neet at ze der geheels neet tusken stoan zollen. Vuur Twitter-veteranen is dit et eande van een tiedperk. Et @-antwoard was et meest herkenboare an Twitter.

 

twitter-reply-screenshots

Van leenks: 1. Broekers wordt oet antwoard haald. De grieze tekst löt zeen an wee as iej skriewt. 2. Zo zeet antwöarde der in de tiedliene oet. 3. Vuur groepsgesprekken tik iej op “aanderen” um leu te kiezen

Et zeent spannende tieden vuur Twitter. Ze hebt al angewen at ze wal oren hebt noar verkoop, mer et skient at grote keupers as Google en Disney et gat vuur den toen dreeid hebt. Vandeage komt ze met öare veerdeel-inkomsten, mer hebt de kunnigmaking verplaatst van de standaard 4 uur ’s middags noar 4 uur ’s nachtes, as verslaggewers nog op een oor ligt. Dit kan wearldkunnig worden van slechte berichten vertroagen, as de inkomsten tegenvaalt.

Terwiel at Twitter 313 miljoen trouwe moandelikse broekers hef, wörd et bedrief ploagd problemen in leaderskop, gröai en opbrengsten. Antwöarde en depere gesprekken eenvooldiger maken, kan helpen um nieje broekers binnen te halen en Twitter-veteranen temeute te kommen.


Duur Josh Constine en Katie Roof
27 oktober 2016

Welle: Techcrunch.com

Geef een reactie

Het e-mailadres wordt niet gepubliceerd. Verplichte velden zijn gemarkeerd met *