Gerrit Kraa wint twentsken taalprys

BORNERBROOK/RYSSEN (NL) – Skryver, dichter, kolumn-skryver en leyrer twentsk en twentske geskydenis Gerris Kraa hevt de Twentse Taalpries 2018 wünnen. Dat löyt juryvöärsitter Welten, börgermeyster van Borne, weaten. Kraa krigt de prys vöär syne inspanningen vöär de twentske språke, kultuur en geskydenis.

Kraa was den eyrsten streektaalconsulent vöär Twente. Dårvöär was hee leyrer neaderlandsk en fransk an de Christelijke Mavo van Ryssen, wat later et skolenverbund Reggesteyn wör.

In syne böyke skreyv Kraa vöäral oaver et leyven in Twente en kümt de twentske geskydenis terügge. Ouk makeden hee sik druk vöär byeynkumsten wår as de rulle van de språke in de versörging, ekonomy, et underwys en de politik beköyerd wör. De prys wörd üm an et ende van disse månd oaverhandigd in theater De Bijenkorf in Borne, as underdeyl van een programma vul musik en poesy.

Eyrdere winners van de Twentse Taalprys warren wylen André Hottenhuus, Herman Finkers, Anne van der Meiden, Goaitsen van der Vliet, Gerard Vaanholt, wylen Jan Swennenhuis en et revuespül Boern Leu.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.