CU Ryssen-Holten wil ‘Riessen-Hooltn’ by up gemeyndenaambröd
De ChristenUnie (CU) in de twentske gemeynde Ryssen-Holten deent morgen ne moty in by ’n råd üm et neadersassiske “Gemeente Riessen-Hooltn” by up de gemeyndebrödte te krygen. Dat is te leysen up RTV Oost. Nu dat et neadersassisk officiälen ståtus ekreagen hevt, is et volgens de CU logisk üm dat by up de brödte te setten.
Ryssen-Holten was officiääl al ne tweyspråkige gemeynde. “In et rådhuus köänet inwonners al in et neadersassisk ehülpen worden. Ouk doot wy eynmål in et jår vergaderen in et neadersassisk,” düt CU-fraktyvöärsitter Jan Berkhoff uut de döyke.
Morgen düt ’n råd köyeren oaver de verdeyling van de centen. De CU wil dat der geld vry kümt üm te kyken wat de möägelikheden sint vöär plaatsnaambrödte.
Herkenbår
De ChristenUnie meynet at de språke helpet by de gemeynskapsvörming en dat de gemeynde ouk vöär besöykers herkenbår tweyspråkig weasen wil.
Vöär nu geyt et enkel noch üm de brödte med de gemeyndenaam. De brödte med ’n plaatsnaam selv koamet noch nit an bod. “Et is fråy prysig üm dat allemål an te passen. Mär wy hoapet so ne gulvbeweyging up gang te krygen. Wee weat, misskyn sit der vöär later noch meyr in,” meynt Berkhoff.
PODCAST
Sassiske plaatnaambrödte, wat hebbet wy der an? Wearldsproake hevt der al es ne podcast oaver maket.
