Ginnen prys vöär drentske Melissa Meewisse up songfestival
De drentske sängeresse Melissa Meewisse uut Erica mus med löäge handen wear up huus an nå et Europeesk Songfestival vöär Minderheidsspråken. De katalaanske gruup Jansky güng der vandöär med de höyvdprys.
Ouk ’n publiksprys was vöär ne andere språke. De ladiniske singer-songwriter Martina Iori (uut Süüd-Tyrol) kreyg ne med.
Meewisse süng gisteren et nummer Wind van Zuud, wår see eyrder van ’t jår et Drèents Liedtiesfestival med wün. Net as Isa Zwart van vöärig jår möäg Meewisse med når et Europeeske festival vöär minderheidsspråken. Zwart nöäm dootyds de publiksprys med når huus.
Et Europeesk Songfestival vöär Minderheidsspråken is underdeyl van et SUNS Festival. Allens te houpe deyden der neagen verskillende språken an med, wårunder et reto-romaansk, galicisk en baskisk.
