China kloont top-polityhund vöär körtere upleidingstyd

Weatenskappers in süüdwestelike chineeske provincy Yunnan hebbet når eygen seggen den “Sherlock Holmes under de polityhünde” kloond. Se hoppet dårmed de upleidingstyd en kösten vöär polityhünde te verkörten.

Den hund, den as Kunxun heat, wör kloond uut nen polityspöärhund döär et Biotechnologybedryv Sinogene en de Agrikulturele Universiteit van Yunnan, med understütting van et Ministery vöär Oapenbåre Seakerheid. Dat skrivt de chineeske ståtskrante Global Times.

Sinogene wil up groute skåle polityhünde klonen üm de tyd slim terügge
te dringen dee et köstet üm de deers up te leiden. Dat sea Zhao Jianping, höyvdmanager van et bedryv teagen de Global Times. Mär volgens üm bleyv et een düer wark.

Kunxun, den nu drey månd old is, krigt de kummende tyd swåre training in drugsruken, volksbehearsing en söken når bewys. Med 10 månden wördt hee vasten polityhund. Dat skrivt de China Daily.

Ne polity-upleiding vöär hünde duurt normaal vyv jår en kostet 500.000 yuan (ungeveyr € 66.000), med gin enkele garanty dat den hund et haalt, sea nen derenkenner by de Agrikulturele Universiteit van Yunnan. In et undersööksrapport stünd nit wovölle nen kloonden hund müt kosten.

Süüd-koreaanske weatenskappers kloonden in 2005 al as eyrste nen hund. Twey jår later deyd et land al kloonde labradors as drugshunde insetten by de duane, skreyv China Daily.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.