Wöördebook neaderlandsk-twentsk van Karel van ’n Notåris vannys uutgeaven
RYSSEN – Et gröätste wark van mr. Karel (van ’n Notåris) Schönfeld Wichers, et wöördebook neaderlandsk-twentsk, wördt vannys uutgeaven. Et wark wör dit jår vöär veertig jår leaden uutgeaven. Dat is te leasen up Tubantia.nl.
De heruutgave is een idey van de Stichting Historisch Oarfgood Riessen (SHOR). Volgens vöärsitter Jan Slofstra was dat gin ny plan. “Et Ryssensk Museum had der noch een paar, mär dee warren nit te koop. De lätste böke hebbet wy good bewård. Wy gavven se enkel weg as heyl bysündere relatygivten,” segt museumdirektöör Gerrit Dannenberg.
By kursussen en leasingen köäm vöärdan wear de vråge of et book noch te krygen was. Der ståt namelik nit bloots begrippen in, mär ouk heyle beskryvingen oaver et leaven en gebruken in Twente.
Vöär de heruutgave is goodköäring vråged by de nåsaten van de family Schönfeld-Wichers, dee naar wys warren med et vöärstel.
Verbettering
Heylemål bysünder is et dat disse nye uutgave de verbetteringen van Schönfeld-Wichers hevt upnömmen. Dee stöyk hee nå de oorsprunkelike uutgave selv as extra inlegvel by in de wöördeböke dee as hee verköften, mär se wörden töt nun too nooit verwarked in drük. Konservator van de Twentse Taalbank Goaitsen van der Vliet had der noch eyne van liggen.
Et wöördebook wördt måndagåvend 25 maert presenteerd.
