‘Episken foto’: jachtkrabspinne eat dwargbüdelmuus in Australie

Et is een ‘behöyrlik seldsaam’ geval, segt een spinnenkenner. Se eatet normaal enkel kleine vöägel of kikvörsken.

Dwargbüdelmüse ståt meysttyds nit up de menükaarte vöär jachtkrabspinnen. Toch hevt nen australier uut Tasmanie een bysünder ougenblik weaten vast te leggen wårin ne jachtkrabspinne probeert nen büdelmuus te vertearen. Et geböärden in een hüüsken in Nationaal Park Mount Field, up 64 kilometer van Hobart.

Ungelöyvliken foto van australiske spinne den as nen dwargbüdelmuus upvreat geyt viraal.

Justine Latton dead nen foto van ne jachtkrabspinne med nen dwargbüdelmuus når de ‘Tasmanian insects and spiders’ Facebook-gruup. (foto: Facebook/ Justine Latton)

Justine Latton, syne vrowe, dead de foto når ne Facebook-gruup vöär tasmaanske spinnen en insekten. Volgens uutstallingsbehearder Graham Milledge van et Australia Museum was et een ungewoon vöärval. “Et is fråi seldsaam,” sea he teagen de Guardian. “Et is et eyrste mål dat ik nen dwargbüdelmuus as prooi see.” Volgens üm warren kleine vöägel, kikvörsken en gekko’s gebrukeliker måltyden vöär jachtkrabspinnen.

Wat Facebookers warren der bange van, anderen vünden et jüüst prachtig so as de natüür warket:

OMG de foto van uw leaven… Ik sul so machig under den indrük weasen as ik dit sol medmaken … heylemål nit eng, gewoon interessant … Danke vöär et deylen van so nen episken foto!!” skreav eyne Emma Powell.

In 2016 filmden nen kearl uut Queensland yts soortgelyks, wårby ne jachtkrabsspinne nen flinken muus langs de kuulkaste sleapet.

In 2016 filmden nen anderen australier ouk al nen hungerigen jachtkrabspinne. (brunne: Youtube.com/Xplicit Nation)

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.