3 tips teagen wespen
Niks is argerliker up nen mooien summerdag as wespen. Sits du net eaven lekker buten, koamt dee swartgeale terrasterroristen dy üm den kop weamelen. En dit jår kanst du der extra vöäle verwachten, ümdat wy vöärig jår een ekstra heyt summer had hebbet en een sacht winter. Hyrunder een paar tips üm se up afstand te holden.
1. Röyket se uut: kruudnaegel, ettik, koffy, cipel en citroon
Wespen hebbet nen glupensen heakel an kruudnaegel. Legt der een paar up een sköätelken en y verneamet se neet weader. Ouk koffypoder (leevst anbrand), sneadene cipel of citroon vindet se mär niks. Wat ouk wil helpen is een bäkken med lekker walmenden (leevst wårmen) ettik. Nådeyl is dats du der dan selv ouk in sittest.
Wilst du echt seaker weaten dat se nit weaderkoamet, kanst du disse afweyrluchten gewoon kombineren.
2. Uutlokken: maket dy ne wespenvalle
Neamt dy ne olde plastik fleske, snydet of knippet ne böävenste darde af en låt dat üntersteböäven in de ünderste tweydarde sakken. Een beaten limonade of ranja underin üm se an te trekken… de waspen krupet der van böäventen in en koamet der nooit wear uut.
3. De plakdoud: een büsken hårlak
geyt dy so’n måt üm de huud hen eykelen, doot se de vulle låge med hårlak. De vlöygels plakket öär an mekander en se valt so uut de lucht. Dårnå kön y se maklik uutskakelen.
Bonus
Der sint natüürlik ouk büskes te koup med wespensproisel. En as y een nöst üm et huus hebbet, kön y der beater eaven nen profi by halen.
Maket der wat van van et summer!
