Kymrisken kerl vaste nådat eygene boordkamera drugshandel filmet
ABERDARE (VK) – In Kumrie (Wales) is nen kerl vastesat nådat hee drugs verhandelden in et sicht van syn eygene boordkamera.
Scott C. (45) seade vöär de kamera dat hee “spül” verkochten by swåren harddrugshandel vanuut synen gealen Ford Focus.
Vrydag den 19. juli wör vöär et gerecht verklård dat C. kleine büdelkes kokaine en heroine uut syne autorute smeat do as se em verleaden september anhölden.
By ne huussöking vünden agenten kannabisplanten en köämen do by syne boordkamera uut. Dårup stünd twey uur an bealdmateriaal wårup hee syn verdöyvende middelen verhandelt.
In eyne scene putset hee syne wagen skone, krigt telefoon en segt: “Valium verkoup ik nit, mer spül heb ik wal,” wårnå hee synen prys nöömt. “Drey vöär 25 (pund – WS).”
De oaverdracht is dårnå in vul ornaat vöär de kamera te seen.
Steve Woolley van de Polity Süüd Kumrie seade: “C. probeerden der noch med weg te koamen döär et spül uut et raam te smyten en later te beweyren dat et vöär eygen gebruuk was. Mär do as wy em syn eygen film löäten seen, wüst hee nit wo as hee et der med had. Hee kun nit anders as bekennen.”
C., den as uut Aberdare in süüd Kumrie stamt, wör skuldig bevünden an et besit van kokaine en heroine vöär handel en kannabiskweak. Hee geyt vöär twey jår en ses månden achter et hekke.
