Per ungelükke spacecake up någrove in Wiethagen
ROSTOCK (DE) – Volgens de polity van Hansestad Rostock in Düütskland wörden een paar rouwenden nit good do as se up de någrove spacecake te eaten kreagen hadden.
Volgens de polity van Rostock warren de rouwenden nå den uutvårt in de nåberskap Wiethagen by mekander köämen vöär de någrove, wår as net as by uns koffee en stute, taarten of cake te krygen is. Nå de cake kreagen 13 lüde last van beruurdheid en düseligheid.
Uut undersöök van de polity bleak dat de restaurantmedwarkster den as oaver de cake güng öäre dochter van 18 had evrågen üm ne gewone cake te bakken. Dat had se dån, mär vöär een ne andere geleygenheid had se ouk ne spacecake bakken. Kort vöär de nåsit had de moder de verkeyrde cake uut de vreser haald.
De polity düt nu undersöök når den dochter.
Et vöärval stamt al uut augustus, mär wör noch nit eyrder bekend maked uut respekt vöär de nåbestånden.
