PODCAST | Wårümme Wikipedia so belangryk is vöär et neadersassisk

Uperichted in 2006 is de neadersassiske Wikipedia inmiddels sowat 7000 artikels ryke. Dår sittet artikelen by in van et grönningsk töt et velüwsk en allens dår tüskenin.

De underwarpen loupet uuteyne van (e)sport töt filosofiske saken as tyd, sociology, lokale saken, dialektbeskryvingen en so voordan.

Wikipedia drägt dårmed nit bloots by an et behold, mär ouk an den uutbouw van unse språke. Disse websteade büdt rüümte üm saken te beskryven dee as noch nooit eyrder in et sassisk up eskreaven sint. So blivt Wikipedia een vöärnaam medium üm de språke relevant te holden. Et geyt hyr nit enkel üm saken as olde burenesaken en jargon, mär ouk üm et vinden van passende beskryvingen vöär nye saken so as rüümtevårt, akademiske språke, komputertermen en mediske uutleg.

Dårnöäst is vindbårheid up Google slim belangryk. Döär de Wikipedia uut te breiden med beskryvingen van alle facetten van et leaven, wördet et ne upvallende bronne vöär informaty oaver et sassisk selv, mär ouk oaver allens wat der in de språke te krygen is.

Wikipedia bleak ouk ne belangryke untmötingsteade vöär verskillende dialektgrupen. Wår lüde öäre verskillen upsyd sköäven en keaken wat se deylt. Dat leidden uuteandelik töt et uutklamusteren van de Nysassiske Skryvwyse, de eyrste oaverkupelende skryvwyse vöär et heyle språkgebeed.

Eygenlik sul ydereyne dåran med mütten skryven. Anmelden kan up

https://nds-nl.wikipedia.org

Reklame FreshText
reklame – FreshText – Klik dan!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.