PODCAST | Wo kryget wy sassisk weader hip en hot?

Ne vråge wår as eygenlik yderen språkaktivist gearne een klår plan vöär had liggen.

Via unsen Instagram vröägen wy ulüde wat ylüde gearne up unsen Podcast beküred höyrden. Laura Beunk uut Ryssen wul weaten wo as wy et sassisk weader hip en hot kryget. Danke vöär de vråge, Laura!

Sassisk up et wark
In dissen podcast bekyket wy wo as plat vandage ‘n dag up et wark gebruked wördt, wo dat med andere minderheidsspråken in Neaderland en Düütskland geyt en wo as wy der wark van köänet maken üm et vaker te doon.

Et blikt dat et up de warkvlore in Twente daags noch wal vöäle gebruked wördet. Dat hangt vanselvs ouk een beaten met et soort wark samen en wår as y precys warket daags. Med name in de traditionele beropen as up den buur en in den bouw, mär ouk in de verpleging.

Sassisk hip & hot
Ouk bespreaket wy de vråge wo as wy sassisk weader hip en hot kryget. Müt wy dat willen? Ne språke hoovt nit cool of uncool te weasen. Et müt normaal weasen. Van allen dag. Neaderlandsk is nit ouk nit cool, mär gebruket wy toch wal yderen dag. Dat hevt te maken med of de språke NÜTTIG is. As y sorget dat ne språke nüt hevt, hebbet lüde der baat by üm et te leyren.

Een ander vöärnaam pünt üm sassisk hip en hot te krygen is wo as wy der selv med ümme gåt. Steaket wy et weg ümdat wy te bange sint üm et te låten höyren? Of spreaket wy et vry uut, so dat alleman medkrigt wo mooi of et feitelik is?

Wy sint allemål uuthangbröd van et sassisk. Wo hang y der by?

Reklame FreshText
Reklame – Klikken!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.