PODCAST | Sassiske språktechnology med Janine Siewert
Vråg y u wal es af wårümme of der noch altyd gin Facebook in et sassisk is? Wårümme of moderne öäversetfunktys van bv. Twitter, Google, YouTube , Alexa en Siri van sassiske skryverye van allens maket behalve sassisk?
Dat kümt ümdat unse språke digitaal achterblivt. Dårümme is Janine Siewert, de Marie Curie van de sassiske språktechnology, gangs üm een dataset, ne skreavene gegeavenssammeling, up te setten. Dårmed köänet algoritmen voord an de gang üm unse språke eandelik ouk med te krygen in de internetrevoluty.
Wy spreaket Janine under meyr oaver öär undersöök, wo as de nysassiske skryvwyse dårby helpet, wat wy van et samisk leyren köänet en wo as wy sassisk as ne eyndüdige språke presenteren köänet.
Up 5 minuten: Janine kan ouk een beaten samisk en japansk. Wo is dat so kümmen? En as y een tydlang nit ovent, sakket de kennis händig-an weg.
Up 6 minuten: Janine is doktorant in de neadersassiske språktechnology. See bekyket tekste vanaf 1650 töt nu üm te seen wat der in dee tyd veranderd is en wodöänig.
Up 7 minuten: eyn probleem vöär öär undersöök: alle verskillende skryvwysen.
Up 10 minuten: internationale dag vöär de vrouwlüde. Janine skrivt ouk mangs vöär Wikipedia. Vrouwlüde sint vake noch wat underrepresenteerd up Wikipedia. See skrivt de kummende tyd wat meyr leavensbeskryvingen van belangryke sassiske vrouwlüde.
Üm de 15 minuten: müt wy tevreaden weasen dat er al wat vöär et sassisk dån wörd? Of magt wy wal wat meyr verlangen?
Rund de 30 minuten: as y sassisk as eyne språke presenteret, sint lokale wöörde nit meyr verkeyrd, mär gewoon synonymen. Dan magt wy ALLE wöörde gebruken, ouk dee wat nit direkt in ons eygene dialekt vöärkümt. Dat gevt uns noch meyr uutdrükkingsvryheid.
32 min: höffelikheidsförme.
45 min: stereotypen. Sassisk-spreakers segget nooit so vöäle?
50 min: wo helpet u sassisk med sweydsk? Wo sit et med de finlandsweyden?
