Dit sint de verskynselen van et koronavirus
In et oaversicht hyrunder ståt alle kenmarken van ne besmetting med et koronavirus COVID-19. Disse sint oaverenöämen van et RIVM.
Lechte klachten
- Verköldheid in den nöäse
- Searte in den hals
- (Dröygen) hoost
- Slym uphoosten
- Möde
- Searte an spyren en gewrichten
- Höyvdsearte
- Lyfstemperatuur töt 38 gråd
En mangs ouk:
- Dünnen (diarree)
- Beruurd en spyen
By disse klachten hoov y nit by nen dokter an te gån. Blyvt by de döäre en sorget dat y gin andere lüde besmettet.
Slimme klachten:
- Koortsen boavende 38 gråd
- Vöördan achter den ådem weasen
- Lunguntsteakinge
By disse klachten müt y der nen dokter by vrågen. Belt den huusdokter of dokterspost.
Klachtenspreid
Van besmettede lüde hevt ungevaer 80 percent lechte töt måtige klachten. Slim last hebbet 13,8 percent van de lüde. By 6,1 percent is et unmündig slim.
Verskyningstyd
De verskyningstyd, de inkubatietyd, is de tyd tüsken et ougenblik dat y besmetted raket töt y de eyrste klachten kryget. Dat kan töt veerteen dage duren, mär in döärsneyde sint et vyv of ses dage.
Korona in et kört
- Et koronavirus spreidet sik höyvdsakelik med proost- en hoostdröppels. Et kan rechtstreyks van menske up menske oaverdraegen worden of (vöär beparkte tyd) med uppervlakken as döärklinken.
- Eyn besmetted persoon gevt et in döärsneyde an twey of drey anderen döär. Üm dat teagen te gån, müt lüde sik so vöäle möägelik afsünderen.
- Et oavergroute deyl van koronadraegers hebbet lechte (grypachtige) klachten.
- De meyste lüde dee der an starvet, sint ölderen of lüde dee al verswakked sint döär seektes an et herte of de lungen, of döär sükerseekte. As alleman de regels volget, blyvet disse lüde beater beskarmed.
