Söävenhunderd klachten by de yrske språkklachtenlyne

De yrske Coimisinéir Teanga (de språkkommisaris) hevt lokale regearingen den bård der af edån dat se sik an de wet müt holden üm de språke binnen de Gaeltacht te beskarmen. De Gaeltacht is et gebeed wår as yrsk noch de eyrste språke is.

By Pat McGrath

In et jårverslag van de yrske språkkommissaris steyt dat der verleaden jår 704 klachten binnen warren ekömmen, ne toname van 11% up 2018.

Sowat eynvyvde van de klachten kömmen van inwoaners van de Gaeltacht en noch es 35% uut Dublin.

In et rapport steyt ouk wo as de klachten afhandeld wörden en wat der uut een paar undersöken kömmen is når anleiding van disse klachten.

In eyn geval untdekkeden kommissaris Rónán Ó’Domhnaill dat den råd van Gråfskup Kerry wetten vöär bouwplannen oavertröäd döär gin språkvöärwaerden in te stellen by de bouw van ne wyke in de Gaeltacht van Westkerry.

Et undersöök wör insteld ümdat den råd gin bepåling had upenöämen dat yrsk keltisk gebruked worden must in de bouwvergünning vöär ne wyke in Baile an Fheirtéaraigh.

Volgens Ó’Domhnaill was et belangryk dat lokale oaverheiden medhülpen üm ne ‘språkkrisis’ in de Gaeltacht an te vatten döär regelingen in te voren dee et gebruuk van yrsk anmodigden.

De meyrderheid van de klachten uut 2019 güngen oaver wegwysers en officiäle dokumenten wår as gin yrsk by up stünd, antwöörde in et engelsk as ymand wat vröäg in et yrsk en problemen med et upgeaven en invoren van yrske vöär- en achternamen.

Ó’Domhnaill hölde ouk ståtsümroup RTÉ et spegel vöär. Volgens de yrske wet müt den ståtsümroup een seaker deyl van de programma’s in et yrsk doon. Dår kömmen se lange nit an. Volgens Ó’Domhnaill hevt RTÉ beatering beloavd, mär hee wil noch wal eaven weaten wodöänig.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.