DOOT PLAT & RAP WAT: twentsken rap oaver platte saak
RYSSEN – Under de name Woolters hevt den ryssensken skryver en musikant Martin ter Denge nen rap ‘Doot Plat en Rap Wat’ uutegeaven. Et nummer is te belüsteren up alle bekende platförme.
Dikken beat
Sou as ouk in et nummer selv te höyren is, begün et med nen column. Ter Denge: “Ik skryve måndeliks nen neadersassisken column in et lokale weakenblad Hart van Rijssen-Holten. Ik had by dissen wat mödete üm up gang te kommen, mär do ik et up rym deade, vlöyg et my ineynen uut de penne. En do was et nen rap. Düs nen dikken beat der under, en gån.”
Ouk de beat makeden hee selv.
Döärgeaven
Et nummer wist lüde up öäre eygene verantwoordelikheid üm de språke te bewåren. “Et eanigste wat y hoovt te doon is et döärgeaven. En jungelüde nit gån vöärkauwen wo as se wal en nit müt küren, want dat skrikt enkel af,” düt Ter Denge. Med synen rap wil hee låten seen dat neadersassisk nit enkel vöär olde lüde, knipmütsen en burenrock hoovt te weasen.
By et nummer makeden hee ouk ne lyric-video.
Vanaf vandage is et nummer te krygen oaver de groute spöldeenste.
Spotify: https://open.spotify.com/track/1XdGyZ…
iTunes: https://music.apple.com/nl/album/doot…
Ouk is et te gebruken in TikTok- en Instagram-video’s.
