Joe Biden köäsen töt 46. amerikaansken president
Demokraat töt 46. president uuteroupen nå grötste verkesingsupkomst in VS ooit.
Joe Biden is verköäsen as 46. president van de Vereynigde Ståten. Dårmed nemt hee Donald Trump ne tweyde sitting af, den syn presidentskap vöär starke verdeyldheid en unlüsten in et land sorgden.
Biden wün et presidentskap döär den ståt Pennsylvanie en syne 20 keesmänne vöär sik te winnen, nå dage van senuwsloupende tellingen. Der was noch nooit sou vake stemd in Amerika. De winst in Pennsylvanie, wat de Associated Press uutröyp do as 99% van de stemmen teld warren, satten Biden up 284 keesmänne, wyd vöärby de 270 benöydigden üm in et Witte Huus te kommen.
“Med noch nit eyrder sene obstakels hebbet ungekende antallen amerikanen öären stem uutebracht. Dårmed bewyset se weader at demokraty deep in de härten van Amerika slöt,” seade Biden nå at de resultaten bekend wörden.
“Nu at de kampagne vöärby is, mut wy unse vergreldheid en harde wöörde achter uns låten en as land te houpe kommen. Et is tyd at Amerika sik weader vereynigt en herstelt.”
Trump was nen vastgoodmagnaat en TV-persöönlikheid sunder politike ervaring. Biden is nen politiken veteraan den as al 50 jår in Washington sit en sik al twey mål eyrder verkeesbår stelden. Trump is den eyrsten sitten president seyd 1992 den as gin twey ambtstyden vul maakt. Do verslöög Bill Clinton George H W Bush.
In ne tospråke weigerden Trump an Biden to te geaven en seade at syne kampagne når de rechter stappeden oaver den uutslag, al seade hee nit wodöänig.
Med den höygsten stemupkomst in 100 jår köäs en angstig land nen kandidåt den as beloavden nit as demokraat te regeyren mär as ‘Amerikaansken President’. Hee swöär de verbindende kracht te weasen nå veer jår verdeyldheid.
Tegelyke bedüüdt dit ouk den upkomst van Kamala Harris, dee as de eyrste vrouwelike vicepresidente in de amerikaanske geskydenisse is en dan ouk noch ne dunkere vrouwe.
Den uutkomst kan noch vöär unrösten sorgen, want Trump synen achterban deade van stemfraude en seade at se de resultaten wolden anvechten.
Biden is med 77 jår ouk den öldsten president in de geskydenisse van et land. Syne winst wör pas 48 uur nå et sluten van de stemlokalen bekend. Stemmentellers warkeden rund de klokke üm biljetten te tellen. Döär de koronapandemy was der en houg antal stemmen med de post med edån.
Hee wün döär döärslaggeavende ståten weaderümme te winnen dee med mekander de sounöömde ‘blauwe müre’ förmet. Trump had den döärbrökken in 2016. Döär demokraten up vöärsprung te setten in Arizona, wat altyd nen slim konservativen ståt was, wüst Biden et van de republikeinen te winnen. Volgens Associated Press wün hee sou Wiskonsin, Michigan en Arizona.
Vöärspellingen löäten Biden an kop seen terwyl amerikanen sik voordan meyr argerden oaver Trumps unnåvolgbåre måtregelen teagen de pandemy, vöäral in de wekken nå at hee et selv kreag. Biden kreag 73 miljoon stemmen, et meyste vöär nen presidentskandidåt ooit. Toch likt et neet de verwachte ummedrai te weasen vöär et Trumpisme, sou as den nyen president et sik had vöäresteld do as hee de verkesingsrunde nen “stryd üm de sele van dit land” nöömden.
In ståten as Iowa, Ohio en Texas wör et toch neet sou spannend as wat vöäraf verwacht was. Trump bleav hyr strak an kop. In den Senaat wörden republikeinen voordan vastberöädener in et vastholden van de macht, wat löt verwachten dat Regeyring Biden noch swåre debatten kan verwachten en de hoppe up rappe veranderingen up progressive prioriteiten binnen de ekonomy, et klimaat en up immigraty wat müt temperen.
De ümstandigheiden sölt Bidens vulhardende gelöyv in kompromis noch döänig bepröven. Dat kan noch moide upleaveren med de progressivere lüde in syne partye. Dee wilt at hee syne republikeinse teagenstanders med harde hand anvat.
