Nyste cyfers CBS: verendeyl 15-plussers küret in huus wat anders as neaderlandsk

Nyste cyfers CBS: verendeyl 15-plussers küret in huus wat anders as neaderlandsk

Ungeveyr en verendeyl van de 15-plussers küret tohuus wat anders as neaderlandsk. Dat kan weasen en dialekt, ne streaktaal as freesk, limburgsk of neadersassisk of ne andere språke as engelsk, poolsk of türksk. Dat makeden et Centraal Bureau voor Statistiek (CBS) vandage bekend.

De cyfers sint underdeyl van et CBS-undersöök Sociale samenhang en welzijn, wat in 2019 under meyr as 7,5 dusend lüde hölden is. Et is et eyrste mål seyd 1998 at dit undersöcht is up grund van ne representativen stekproov. Lüde wat meddeaden gavven antwoord up de vråge: ‘welke taal of welk dialect wordt bij u thuis het meest gesproken?’ Dårby kunden se kesen uut ne lyste med 111 språken en dialekten. Ouk kunden se selv de name van ne språke of dialekt tovogen as den neet in de lyste stünd. By mekander wörden 149 språken en dialekten daleskreaven. De wydgånde resultaten ståt as artikel te leasen in de ryge Statistische Trends: Talen en dialecten in Nederland – Wat spreken we thuis en wat schrijven we op sociale media?

1 up de 10 düt ne streakspråke

Meyr as 10 procent van de 15-plussers küret in huus eyne van de dree officieel erkende språken: freesk (2 procent), neadersassisk (5 procent) en limburgsk (ruum 3 procent). Neadersassisk wördt binnen Neaderland eküürd in de provincys Gelderland, Oaveryssel, Drente en Grönningen. Neaderlandske dialekte wordet döär ruum 5 procent van de neaderlandske 15-plussers küürd. Ruum 8 procent düt in huus ne andere språke sou as türksk, engelsk, marokkaansk/berbersk. Allens te houpe düt souwat nen kwart van de 15-plussers in huus gin neaderlandsk, mär en dialekt, streakspråke of andere språke.

Streakgebundende verskillen

Watvükke dialekte of språken dee as der by huus eküürd wordt hangt slim af van de provincy. Ouk holdet dialekte en språken sik neet strak an provincygrensen. Neaderlandsk wördt et meyst küürd in Utrecht en et minst in Limburg. In Freesland küret 40% höyvdsakelik freesk, in Limburg küret 48% meyst limburgsk. Et neadersassisk wördt döär 31% in Drente küürd, 26% in Grönningen, 24% in Oaveryssel, 10% in Gelderland en 2% in Freesland. In Seyland en Bråbant küürt de 15-plussers in huus en lokaal dialekt. In Flevoland en Noord- en Süüdholland doot de lüde med ruum 10% et vaakst ne andere språke, sou as engelsk, türksk, marokkaansk/arabisk en poolsk. Med 3% is dat in Drente et laegst.

admin

Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.