PODCAST | Dick ter Steege – Persvöärlichter CBS küürt Plat

Nen tükker up den vrömden. Mär vulleydig integreerd. Dat is Dick ter Steege. As Höyvd Ankundigingen (Perschef) van et neaderlandske Centraal Bureau voor Statistiek geyt hee oaver de cyfers van Neaderland. En wo as dee in de oapenbårheid kummet.

Inmiddels is hee vulleydig settled in Amsterdam en alle dage an et wark in Den Haag. Dat klinkt gewichtig, mär Dick is der altyd pleserig under bleaven. Hee is syne nötterske wörtel neet vergeaten. Dick vertelt oaver syn wark en de weg langswår as hee dår ekümmen is.

Et CBS is et instituut wat de cyfers van Neaderland byhöldet. Inwoanertallen, bevolkingsgroi, wark en warkeloosheid, gesundheid, centen en koupkracht, en dat dan sou düdelik möägelik in kaarte brengen. Mangs selvs letterlik. En dan sou neutraal möägelik når buten brengen. Oaver dat lätste geyt Dick.

Dick must togeaven dat der gin cyfers warren oaver et gebruuk van neadersassisk en andere språken in Neaderland, mär noch ginne månd later makeden hee dat good med de bekendmaking van en grout undersöök når språken en dialekte in Neaderland. Ouk dat sint vöärname cyfers.

Wy spreaket Dick ouk oaver de toneamende desinformaty, Fake News, en wat see dår as CBS med te stellen hebbet.