De 22 dikste wagens op de autoskouw van Paries

Ferrari
Ferrari

Verleden wekke pakken de Autoskouw van Paries oet met een antal hele vette wagens.

De tweejoarlikse Paris Mondial de l’Automobile teunt de leste ideejen en de dikste opvallers van de grötste automakers van de wearld. Et was een best joar vuur elektriese auto-ideejen, mer der komt ook nog zat aandere andachtstrekkende proonkepeardkes bie de dealers.

De Autoskouw van Paries 2016 is vrie toogaankelik tusken 1 en 16 oktober. Hier heb iej de 22 dikste wagens van dit joar:

As de eerste grote Europeaanse autoskouw van et seizoen, was Paries innömmen duur maarken van et vastelaand. Fraansken automaker Citroën treuk et slat van öare glatte CXperience hybrid Concept met een volelektries bereik van 60 kilometer.

Reuters/Jacky Naegelen

Doarnöast köm Citroen met de C3 WRC Concept. Et is nen gleemp van de tookommende World Rally Championship-racer. Hee zal vuur et eerste metstrieden in de Rally van Monte-Carlo in januwoari 2017.

Reuters/Jacky Naegelen

Den aanderen Fraansken automaker, Renault, har nen helen dikken elektriesen idee-auto, dee as ze Trezor neumt. Hee hef dree ofzeunderlike veurmodes: neutraal, sport, en autonoom. In meender as 4 sekoondes zit det moonster an de 100 km/u.

Reuters/Benoit Tessier

De Italianen maken de blits met ultra-zeeldzame Ferrari Aperta met lös dak. Der zeent der mer 209 van. En dee warren allemoal al vort vuur at ze bie de dealers steunden. Den Aperta pleart der op met  949 pk en nen topgaank van 350 km/u.

Reuters/Benoit Tessier

De Duutsers leuten zik ook good zeen van et joar. Mercedes en öare AMG-liene presenteren öare nog rappere versie van de GT sportscar, dee as ze de GT R neumt. Dit monster hef 577 pk en nen top van 320 km/h. Mer ze hebt der neet ene…

Mercedes

… mer twee, met ook de AMG GT Roadster.

Reuters/Jacky Naegelen

Et maark proonken ook nog met ne extra staarke AMG-variaant van öare GLC Koepee. Doar trappelt 377 peardkes oonder de motorkappe.

Reuters/Eduardo Munoz

Mercedes oonthullen ook nen vol-elektriesen idee-SUV, baseerd op de GLC. Dissen haalt 500 km en de eersten mut in 2019 roondjagen. Nöast öaren elektro-SUV, hebt ze ook …

Reuters/Benoit Tessier

… de E-klasse All Terrain-wagen. Dissen auto zit stoompvol zelfsteurende snufkes, zo as nen verkeervolger töt snelheden van 210 km/u.

AP/Carlos Osorio

Et verhaal is vanzelfs neet kompleet zoonder de Vision Mercedes-Maybach 6. Den hef vleugelduren en nen topgaank van 250 km/u.

Reuters/Benoit Tessier

BMW pakken oet met ne verbetterde i3 elektriesen stadswagen, met verbetterde kluren. Anvaank 2017 kö’j um kopen.

Reuters/Kim Kyung Hoon

De MINI-ofdeling van den automaker har een niej waarkpeardke met de Clubman John Cooper Works-edisie.

Reuters/Benoit Tessier

Škoda, et kleane breurken van Volkswagen, oonthullen öare Kodiaq SUV zeuwenzitter. Et hef zelfsteurende snufkes, zo as ne slephulpe. As iej der ne koare achter hebt, helpet den auto oe inparkeren.

Reuters/Jacky Naegelen

De langverwochte nieje Audi Q5 SUV-liene pakken ook oet. Ook hier zeent ze gek met et zelfsteuren, zo as de laanhoolder en filerieder. Hee hef töt wal 190 pk.

Reuters/Benoit Tessier
 

Porsche proonken met öare Panamera 4 E-Hybrid, met een vermeugen van 462 pk.

Reuters/Benoit Tessier

Volkswagen leut vuur et eerste öare elektriese idee-auto zeen. Dissen kan tusken 400 en 600 km jagen op ene oploadbuurte. Vanof 2020 kön iej um kopen.

AP/Michel Euler

De Britten maken indruk met öare strakke Discovery SUV-liene. De zeuwen steule kön iej verzetten met een veulskaarm of een appken op oewen smartphone.

Reuters/Benoit Tessier

De Japanners harren ook wat moois. Mitsubishi teunen öare idee-GT PHEV, ne hybride met een volelektries bereik van 120 km.

Reuters/Benoit Tessier

Honda foonkelen met öar Civic Type R-prototype — hoaste kloar in de volgende Civic-liene, dee as in 2017 te koop zal wean.

Reuters/Benoit Tessier

Hyundai leut öare i30 hatchback zeen. Te kriegen in 2017.

AP/Ahn Young-joon

Infiniti proonken met öar QX Sport Inspiration-idee. Zo mut tookomstige QX-auto’s der oet kommen te zeen. Et hef gröttere raden (22 inch) en ne nieje strakgrieze lakloage.

Infiniti

As leste köm Nissan met öare nieje Micra. Disse hef laanhooldwoarskouwing en automatiese noodremme. Verkoop start in meart 2017, mer vuur wovölle weet nog nums.

Reuters/Benoit Tessier

Duur Danielle Muoio en Benjamin Zhang
30 september 2016
Welle: businessInsider.com

Mercedes keump met ne bizarre dronebestelbusse um pakketten te bezörgen

Meet the Mercedes Vision Van: an all-electric vehicle with a range up to 168 miles.
Mercedes-Benz

Mercedes-Benz geet in de koeriersbusiness. De kommende vief joar stekt den Duutsen automaker ne slordige € 500 miljoen in een bezorgnetwaark van elektriese bestelbussen met drones.

De bestelbusse hef ne volautomatiese laadruumte. Der zit nen mechaniesen vortpakker in, wat pakketten wegzet en ontheuld woer as ze stoat. Den veurder krig ne melding as der ne ofleawering ankeump.

The interior of the van has a fully automated cargo space. It features a mechanical shelving system that loads packages and knows where each package is going. The driver will get a notification when approaching a drop-off location for a package.
Mercedes-Benz

Op et dak zit een droneplatform. Bie een ofleaweradres buurt et vortpaksysteem et pakket noar den drone, den as et dan bie de dure ofzet.

A drone will accompany the van by sitting on a landing station on top. When the van approaches a drop-off location, the shelving system will push the package to the drone so it can be flown to its final location.
Mercedes-Benz

Mercedes gebrok de Matternet M2 drone, met een bereik van 20 km op ene batterieje. Mercedes har et verleden woonsdag van ne “multi-million investment” in et nieje bedrief Matternet.

Mercedes will use the the Matternet M2 drone that can travel 12 miles on a single charge. Mercedes announced a "multi-million" investment in the startup Matternet on Wednesday.
Mercedes-Benz

Mercedes is gangs met telematika wat et pakketverloop an de koerier duurgef, zodet der op den lesten knieperd nog dinge anpast worden köant.

Mercedes is developing a telematics unit for the van that can relay the status of a package to the distribution manager so last-minute delivery changes can be made easily.
Mercedes-Benz

Andreas Raptopoulous, den oprichter en direkteur van Matternet, zea at et bezorgsysteem met bedriewe as Amazon kan waarken. Nen klaanten kan dan volgens um wat van Amazon bestellen en kiezen um et duur ne Vision Van te loaten bezorgen.

Andreas Raptopoulous, the founder and CEO of Matternet, told Business Insider's Ariel Schwartz that he could see the delivery system working in tandem with a company like Amazon. A customer could order something off Amazon and elect to have it delivered by a nearby Vision Van, he said.
Mercedes-Benz

 

Wonnear as et dronebusseverhaal kloar is, was nog neet dudelik, mer Raptopoulous meanen at et nog een paar moand of een joar test wörd.

There's no timeline for when we can see the van-and-drone system in action, but 
Raptopoulous said it could be another several months or year before testing is completed.

Mercedes-Benz

 

Welle: Business Insider UK


Duur: Danielle Muoio
7 september 2016

Audi’s A5 Sportback vuur 2017 is ne koepee den nen sedan is den ook ne koepee is

Hee slöt misskien naargens op. Mer det maakt he good duur der mirakels good oet te zeen. (foto: Audi)
Hee slöt misskien naargens op. Mer det maakt he good duur der mirakels strak oet te zeen. (foto: Audi)

Iederene hef rechtevoort wat te nöalen. Oh, he’j ne koepee kocht? Woerumme ginnen sedan? Oh, he’j ne sedan kocht? Woerumme ginne koepee? As iej zulke drammers keant, hef Audi net ne waage vuur oe: de 2017 A5 Sportback.

De A5 Sportback besteet non zeuwen joar. Et is de tegenhanger vuur de BMW 4-Serie Gran Coupé, wat óok ne koepee met zwiepende sedan-koonte is. Neumt et mer de auto-versie van de BMW X6 of de Mercedes Benz GLE koepee. Of nog better, neumt et et kleanere breurken van de Audi A7. Joa, zo kön iej et et beste zeen.

Zowat al et verskil tusken nen Sportback en nen standaard A5 zit um in dee leste alinea. Wiedters zeent ze neet heel aanders. Net as bie de A5, kön iej kiezen tusken ne gewone A5 Sportback of den sportieven variaant met 354 peardekrachten. En dan heb iej nog de Audi A5 Sporback g-tron, den as löp op benzine, natuurlik gas of Audi’s E-gas, een samensteeld oard gas.

Met ne wat roemere koonte en... öah... naja det was et wal. De A5 Sportback is neet völle aanders as zin mear vootgangervreandeliken A5-breur, nöast det gekeukel met dee twee extra duren.
Met ne wat roemere koonte en… öah… naja det was et wal. De A5 Sportback is neet völle aanders as zin mear vootgangervreandeliken A5-breur, nöast det gekeukel met dee twee extra duren.

De techniese veulekroam is allemoal rechtstreeks oet de A5 oawernömmen. Den verniejden Sportback hef Virtual Cockpit, wat oewe meters vervaank met een onmeundig skaarm wa’j zelf insteln köant. Et gef der ook een paar beskaarmsystemen bie, zo as ne zelfsteurde noodremme, metdeankende cruisecontrol met stop-en-go, parkeerhulpe, doden hookkieker en baanhoolder. As iej de juuste knöpkes indrukt, krieg iej der een 4G LTE-modem van met WiFi-hotspot.

Begin tookommend joar kön iej ne kopen. Mear foto’s kö’j bie et oorsproonkelike artikel veenden.


Duur Andrew Krok
7 september 2016
Welle: Cnet.com