125-joar oold twistpeunt ophealderd: non de wc-rolle GOOD UMME hangen!

Vuurlangs (op de rolle kieken) of achterlangs (in de rolle kieken)? Et was al seend et begin dudelik. (foto: froot.nl)

Et is in völle hoeshooldens en bedriewe nen stillen oorlog. Mut wiej non in of op de wc-rolle kieken? Toch is et al seend de oetveending van de wc-rolle dudelik. den bedeanker van de wc-rolle wol det wiej der op kiekt. Wat ook völle logieser is. Völle leu warren et eankel mear as 125 joar vergetten.

Den Amerikaansen zakenman Seth Wheeler vreug in 1891 pateant an op zinne oetveending. Doar bie beskreef hee det et oeteande van de papierlappe “noar boeten” vallen mut. In-kiekers, dreeien dus!

Den in Amsterdam wonnenden Amerikaan Owen Williams twitteren zinne oontdekking de wearld in, zodet alleman et weten meug:

Wheeler, groten man achter de Albany Perforated Wrapping Paper Company, zorgen der ook vuur at wiej noe perfekte vellekes ofskuren köant: Albany Perforated kreeg pateant op et idee um papier met kleane geatjes in lecht-ofskuurboare stuks te verdelen in 1871.

“Minne oetveending… is ne rolle wc-papier met geatjes op de verdeelliene tusken et ene velleke en et volgende, zodet et lecht of te skuren is, woermet as disse rolle een niej fabrieksartikel wörd,” skreef Wheeler in 1871 in zinne pateantanvroage.

Non at wiej dat opkloard hebt, kan iederene zik wier gangs hoolden met dringender zaken: wovölle löagkes?


Duur Jenny Che
17 meart 2015
Welle: huffingtonpost.com

2 gedachten over “125-joar oold twistpeunt ophealderd: non de wc-rolle GOOD UMME hangen!”

  1. K-wuzze agees niet dät de vraoge der ing. Maer a-k ärns komme wöör as-e verkeerd angt, drei ik de rolle altied umme. Ik mutte gien alve mure onder de naegels.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *