Amerikaansken tener wint €2,7m med Fortnite World Cup
Kyle ‘Bugha’ Giersdorf (16) wün ümmereakened € 2,7 miljoon döär rennend, vechtend en bowend 99 andere spöllers te verslån up de Fortnite World Cup in Ny Jork.
De vöärrundes begünnen al månden terügge. So’n 40 miljoon spöllers probeerden sik dårby te plaatsen. De uutendelike lätste 100 in de finale stamden uut 30 verskillende landen.
Et is et eyrste werldkampioonskap vöär et unwys populaere videospölleke, wat wearldwyd döär so’n 250 miljoon lüde spöld wördt.
In Ny Jork musten de deylneamers ses runden afmaken wårin de längst oaverblyvende wint. Dårby wünnen se punten vöär et afmaken van anderen en so lange möägelik leavend blyven.
Al in de eyrste runde sprüng Giersdorf vöäruut in de ranglyste, med neagen moorden en de längste leavenstyd. De runden dårup spölden hee med minder spektakel, mär bleav he eavenwichtig. In de sesde runde wüst hee töt de top 10 in leaven te blyven, mär wör vöärtydig afmaked. Toch had hee do as noch dubbel so vöäle punten in de ranglyste as de nummer 2.
Verleaden såterdag wünnen nen noor en nen oustenryker de dubbelspölversy van et klöärige vechtspöl. Nen koppel van nen neaderlander en nen engelskman wördden do tweyde.
