Rapper Tay-K veroordeyld töt 55 jår nå hitnummer oaver moord

Taymor McIntyre med noch ses andere kearls veroordeyld vöär doud van Ethan Walker, nå platinum-hit The Race do as hee up de löäpe was.


Den amerikaansken rapper Tay-K is veroordeyld worden töt ne gevangnisstraffe van 55 jår vöär moord. Under de bewyslast was een vöälbekeaken nummer up YouTube wat hee as voortvlüchtigen makeden.

Taymor McIntyre (19) wör med noch ses andere männer skuldig bevünden vöär et ümbrengen van Ethan Walker in Mansfield in den ståt Texas, july 2016. De männer wulden Walker beröyven van drugs en geld, mär by den oaverval wör hee doudsköäten. Syne vrindin verklården dat hee up dat ougenblik de handen in de höygte had.

McIntyre’s advokåten drögen an dat hee et fatale skot nit elösd had, terwyl as den rymspreaker selv seade dat synen updracht enkel was de drugs te grypen. Toch wör hee vaste sat vöär moord en dree anklachten van gewalddådige beröyving.

McIntyre’s raploupbane nöäm nen vlucht doo as synen rechtsaak landeliken andacht kreyg. Nå den moordanklacht kreyg den 16-jöärigen McIntyre huusarrest. Mär in maert 2017 knipden hee syn enkelband af en güng der vandöär. Up Twitter skreav he: “fuck dis house arrest shit … they gn hav 2 catch me” (fuck disse huusarrest-dunderye… se müt my mär krygen). Vanuut Texas vlüchtden hee når Ny Jersey in et noorden, wår as hee The Race upnöäm, een nummer wårin hee blöäs oaver syne voortvlüchtigheid: “Ain’t beat that case, bitch I did the race.” (Ik heb de saak nit anvöchten, mär sin up de löäpe gån.)

Et nummer haalden de 44. Steade in de amerikaanske hitlysten. Et wör remixed döär bekendere rappers as 21 SavageTyga en Lil Yachty. De video is meyr as 174 miljoon mål bekeaken up YouTube. Et nummer kreyg platinum in 2018. De anklagers löäten de video in de rechtsale seen. Dårin is McIntyre te seen vöär syn eygen ‘Esöcht’-poster. Ouk nöämen se syne tekste döär.

In juni 2017 wör hee weader vastenöämen. Nu wördt hee verdacht van noch twey andere swåre misdryve tydens syne vlucht: de moord up de 23-jöärige Mark Saldivar nå wöörde in San Antonio in Texas en de mishandeling en beröyving van den 65-jöärigen Owney Pepe in Arlington, Texas.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.