Amazone brändet: Macron röpt G7 by mekander vöär ‘internationalen krisis’

Brasilie’s president Jair Bolsonaro haalt uut når ‘stemmingmakerye vöär eygen politike winst’.

Den fransken president, Emmanuel Macron, seadde at de Amazonebranden ne ‘internationale krisis’ sint en wil se boavenan up de agenda van de G7. Brasilie’s leider reageerden as döär ne wepse stöäken.

“Uns huus brändet. Letterlik. De Amazone leyvert 20% van de suurstov up de wearld,” skreav Macron up Twitter.

President Jair Bolsonaro van Brasilie, ne rechts-orienteerde nationalist den as butenlandske bemoienis in et brasiliaanske reagenwold verafskowet, nöäm anstoat an de upmarkingen van synen fransken kollega.

“Et steyt my teagen dat president Macron persöynlik politik vöärdeyl wil halen uut ne saak dee enkel Brasilie en andere amazonelanden angeyt,” skreav Bolsonaro up Twitter, en haalden uut når wat hee Macrons “stemmingmakerigen toun” nöömden.

In nen tweyden tweet skreav he: “Et vöärstel van den fransken president üm amazoniaanske saken med de G7 te bespreaken sunder dat de tröffene landen der selv by sint, düt denken an ne kolonialistiske holding dee nit past in de 21. eywe.”

Verslag van de britske krante The Guardian oaver de branden in de Amazone. (YouTube.com/Guardian News)

Ouk internationaal bekende lüde as popsteare Madonna en vootballer Christiano Ronaldo röypen oaver Twitter up üm der wat an te doon.

Andere brasiliaanske politici töygen allemål når Twitter üm der öäre meyning oaver te geaven.

Brasilie hevt dit jår meyr as 72.000 branden had. Ne toname van 84% in vergelyk med vöärig jår, segt et brasiliaanske Nationale Instituut vöär Rüümteundersöök. Meyr as de hälvte dårvan warren in de Amazone.

In juli was der ne slimme toname van untbossing, volged döär wydgånde verbranding in augustus. Lokale kranten en buren organiseret “branddage” üm te profiteren van de minder strikte tücht van de regeyring.

Lenín Moreno, president van Ekuador, seade up dunderdag dat hee med Bolsonaro üm tåfel eweasd was en drey “specialistiske bosbrandweyrbrigades stüret. Dee müt de tragedy in et Amazonegebeed teagengån.”

In de Amazone woanet når skatting hunderddusenden inheymske lüde en 3 miljoon plant- en deersoorten.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.