Disse weake 5 nye videospöllen vöär Switch, PS4, XBox One en PC
Disse weake is et weader raak, med mär leevst 5 videospöälen dee as uutkommet. Hyr sint wat indie-spöllen dee as y nit vöärby müt låten glippen, sou as et 8-bits Panzer Paladin, et bloderige Carrion en et besneyde Roki. Nintendo Switch löt ouk seen wat et kan med Crysis Remastered. En Dying Light krigt een nye Hellraid-uutbreiding.
21 july – Panzer Paladin
Vöär PC & Switch
In dit platformspel bestüür y Flame. Med dissen kleinen piloot hüps y döär 17 levels. Of y trekke tem syn mechaniske pak an, wår hee flink med van sik afhauen kan. As hee et pak anhevt, kün y teagenstanders wåpens afneamen en se der de köppe med inhauen. Of y breaket se in tweye en kryget der magiske krachten van. In et spel sittet meyr as 100 wåpens.
23 juli – Crysis Remastered
Vöär Switch
Ooit was Crysis et höygste van et höygste vöär de snelste pc’s. Nå wat vertråging kümt nu de vernyde versy når Switch. Med allerhande wåpens neam y et up teagen vyandige soldåten en butenaerdske weasens. Wat gevechten geböärt selvs sunder swöärdekracht. Uw superkrachtige tüüg hevt ouk årdig wat pik in de mouwen, letterlik.
23 juli – Carrion
Vöär Xbox One, PC en Switch
Ouk up dunderdag kümt Carrion. Dit wördt wal ne ‘ümmedraide horrorgame’ nöömd ümdat y ditmål et monster spöälet. Et dool is löskommen uut et laboratorium wår as weatenskappers en bewakers u marteld hebbet. Y neamet wraak en groit sou in ümvang en kracht. Xbox Game Pass-inskryvers köänet dunderdag medeyne gangs.
23 juli – Hellraid
Vöär PS4, Xbox One en PC
Hellraid was ooit ’n vulleydig lösstånd spel van untwikkelder Techland, mär stünd up pause. En paar jår later is et spel ny leaven in epuusted as uutbreidingspakket vöär Dying Light. Vanaf de stråten van Dying Lights tread y nen toren binnen wår allerhande middeleywske monsters rundloupet. Yder mål dat y den toren döärloupet kom y höyger in rang en kryg y nye wåpens – En dee kön y ouk medneamen in et höyvdspel.
23 juli – Röki
Vöär PC en Switch
Röki is inspireerd döär skandinaviske volksverhalen. Up uwe reise söl y düs wat bysündere monsters teagen et lyf loupen. Y spöälet Tove, dee as de wildernis ingeyt üm öäre vermiste family weader te vinden. Underweagens müt y de (prachtig vörmegeaven) wearld verkennen en allerhande rådsels uutplüsen. In öär handige dagbook hold y by wår y al eweasd hebbet en wat vöär büte y al versammeld hebbet.
Oaversat van gamespot.com
