OORDEYL | De Leywenköäning – Ryk bealdwark oaverskaduwt plot- en karakteruntwikkeling

Döär Martin ter Denge

Meskeen is et dat wy in de Netflix-tyd sittet en dårdöär wend sint an langsame karakter- en plotupbouw. Meskeen was et ümdat ik mooie jöägendherinneringen hebbe an de originäle teakenfilm, dee nu verstöyrd wordet döär et harde besef dat wy dinge in unse herinneringen noch wal es andikket.

Mär de nye uutvoring van Den Leywenköänink was et nit heylemål vöär my.

Et leade seaker nit an de ryke visuele pracht van de CGI. De bealden warren ja ougverblindend mooi, leavensecht en ik sul der dikke vöär betalen üm eyne van dee paradyselike filmsteydes in et echt te besöken. Y sullen halv verwachten dat Sir David Attenborough et verhaal an mekander küret. Heylemål gin gek idee, so achteraf bekeaken.

Et verhaal leyk by tyd en wyle ejaagd en belangryke ougenblikken misden de nöydige emotionele lading, so as byvöärbeald Simba’s rouw en skuldgevööl.
 
Meskeen was ik minder under den indruk want, tja, et is ne hertelling en ik weate al wat der kümt. Mär dat is mär deyls wår. Et probleem was dat et te realistisk was üm weg te koamen med deers dee spuntaan begint te singen en dansken. Se misden gewoon de menskelike gesichtsuutdrükkingen wår wy uns med vereynselvet, want ja, et warren nu echt deers.

En dan hebbet wy noch et stem-akteerwark van Beyoncé. Öär singwark, naja, dår besteyt gin twyfel oaver. Nüms düt dat better as Queen B. Öäre uutvoring van de klassikers was fenomenaal. Mär öäre sprökkene regels vöär Nala klünken stöädig-an uninteresseerd.

Wellicht sin ik wat te hard. Meskeen müt wy et gewoon as ny verhaal seen. Et is ja een kinderfilm. En vöär yderen jungen kyker sunder kennis van et originääl sal et sunder twyfel een oaverwaldigend visueel spektakel weasen wat een nit vöär niks klassik verhaal ünderstüttet.

7/10

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.