De Beentjes van St. Hildegard krigt vöärvertöyning in Enskede
ENSKEDE – Den twentsken film ‘De Beentjes van Sint-Hildegard’ krigt ne vöärvertöyning in et Enskedeeske filmhuus Kinepolis. Den film van filmmaker Johan Nijenhuis, med höyvdrolspöälers Herman Finkers en Johanna ter Steege is up den 12. february vöär et eyrste te seen in Twente.
Den markelsken Johan Nyenhuus én Herman Finkers en Johanna ter Steege sölt der ouk by weasen in Enskede. Kaarten vöär disse speciale vöärvertöyning sint nu te krygen by Kinepolis. Kykvolk krigt by ankumst wat in den linkeren vuust.
Twentsk verhaal
Den trailer Den vöärankundiging van den twentsken film ‘De Beentjes van Sint-Hildegard’ wör an vrygeaven döär filmdistributöör September Film Distribution. Den film müt landelik anslån en krigt dan ouk underskrivten. ‘De Beentes’ is ne hervertelling van nen tsjechisken film oaver Gedda (spöäld döär Johanna ter Steege) den as so naar gek is med synen kearl Jan (Herman Finkers) dat hee et der spaansk benauwd van krigt. As Jan når een verpleyghuus müt ümdat hee vergeatachtig begint te worden, krigt öär leaven ne andere richting.
Alle medspöälers spreaket twentsk, “mär et eyrste dool is nit nen twentsken film te maken, mär nen goden film den as landelik anslüt,” seade filmregissöör Johan Nyenhuus eyrder.
