Sweydsk bedryv leyvert ‘gröön stål’, produceerd sunder koalen
foto: Nen proov van et nye gröne stål. Foto van Hybritdevelopments.se.
Et sweydske bedriv Hybrit hevt automaker Volvo ne partye stål leyverd wat maked is med en waterstofproces. Volvo wil der prototypes van wagens en underdeylen med maken. Dat steyt to leasen up de britske krante The Guardian.
Den sweydsken underneaming Hybrit segt dat see nen proov med stål an vrachtwagenbedryv Volvo AB leyvert. In 2016 mut et vöär de groute verkoup torechte weasen. Al dit jår wil Volvo prototypes van wagens en underdeylen maken med et gröne stål.
Stålmakerye is good vöär 8% van de wearldwyde uutstout van broikasgassen. Hybrit begünde verleaden jår med testen in en proovfabrik in et noordsweydske Luleå. Dool is üm de traditionele koalenstoakerye, wårmed as nu yseroar verhit wördt, to vervangen döär elektriciteit en waterstof. Waterstof is en vöärnaam deyl van de EU öäre plannen üm in 2050 up nul uutstout broikasgassen to sitten.
Hybrit is underdeyl van stålmaker SSAB, et ståtsbedriv Vattenfall un mynbouwer LKAB. SSAB veroarsaket 10% van Sweydens un 7% van Finlands uutstout van koalstofdiokside. Et bedryv nöömt de proovleyvering nen “belangryken trad richting ne vulleydig fossilvryen keaten… Dool is üm fossilvry stål up de markt to brengen un de nye technology in 2026 up industriele skåle to krygen.”
En ander gröönstålbedriv, H2 Green Steel, wil ouk nen fossilvryen stålfabrik up duursamen waterstof in Noordsweyden tosetten. Den mut in 2024 torechte weasen.
