Elon Musk: Språken med vyv jår oaverböädig

Elon Musk segt at eyne van syne bedryve warket an technology wårmed as menskelike språke möägelik al binnen vyv jår oaverböädig wördt.

Den vöärman van under meyr SpaceX en Tesla was gast by The Joe Rogan Experience podcast, wårin as hee küreden oaver syn bedryv Neuralink, wat sik gangs höldet med harsentechnology.

In et gesprek seade Musk at hee hoapeden binnen et koamende jår al een Neuralink-chip an menskelike harsens te koppelen.

De chip, den as op batteryen warket, wör by in den skeadel inebrachted en ‘unwys vöärsichtig’ aneslöäten up et brein.

“Et kan uutwesseling angån med alle deylen van uwe harsens. Möägelik kan et dårdmed ouk blindheid herstellen,” seade Musk teagen Rogan. Dår deade he noch by an: “as et der up dale kümt kan et sowat allens herstellen wat der in een brein mis is.”

De eyrste lichting chips solden vöärnamelik bedoold weasen üm harsenbeskadigingen en stöyringen recht te setten, mär volgens Musk kun der med latere lichtingen noch vöäle meyr.

“Y hoovt voord geheyls neet meyr te küren,” seade Musk. “Vanselvs köänet wy dat wal blyven doon ümdat wy dat so mooi vindt.”

“Kommuniceren solde unmündig rap gån en vöäle nauwköäriger… Ik weate nit wat der dan med språke geyt geböären. Et sal meskeen wal lyk so as med den film The Matrix weasen, Wil y ne andere språke können? Na good, eaven een programma installeren.”

Vanselvs kreag hee dårup de vråge wo lange as dat noch duren solde vöär at syn bedryv et so wyd untwikkeld had. Musk seade tüsken de vyve en teen jår. “As de untwikkeling blivt versnellen.”

Musk syne ungelöyvlike uutspråke köm nå een paar bysündere weaken vöär den technologisken underneamer.

Eyrder verleaden weake kreag syne vreendin Grimes, ne bekende sängeresse, öär eyrste kind samen. Anhangers hadden möödte med de uutspråke van den jungen syne name.

Een paar dage dårvöär deade Musk up Twitter noch oaver de unwyse val van andeylenprysen vöär syn autobedryv Tesla, dee tydelik daletummelden med sowat € 13 mjd.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.