PODCAST | In gesprek med Jan Graf – Wår blivt unsen neadersassisken ümmeroop?
An de oustküste in Noorddüütskland, up sou wat 5 uur van Twente, woant Jan Graf. Den maakt sik al jåren druk vöär de platte saak, med sprökkene kantteksten vöär de NDR, juurnalistik en neet-unverdeenstelike sangerye. Unlangs richten hee syn eygene podcast up under den name SPRAAK!
Hyr heb y et up YouTube:
Wy spreaket Jan en bewyset weader dat et noch altyd prima löpt, as wy mär langsaam küürt. Ouk al hebbet wy sou wat 450 km en teentallen jåren van weinig språkkontakt tüsken uns in. En et helpet ouk dat Jan nen feinen mikrofoon hevt, wårmed allens kraakhelder vöär up den dråd kümt. En dat hee gewoan nen feinen kearl is med en good verstand.
Funklok stoppen!
Wår as Jan sik vöäral druk oaver maakt is dat wy neadersassen noch altyd gin seriööse radio- en televisymakerye hebbet. Te vergelyk: de Sámi uut Noordskandinavie (40.000 sprekkers) hebbet 24 uur daags samiske radio. Nys, achtergrunden, politik, Lady Gaga, allens wördt besprökken. Vanuut neaderland kennet wy Omrôp Fryslân, vöär sou’n 400.000 freesken. Wy neadersassen sint med souwat 6 miljoon. Wat hebbet wy? Unbenüllige filmkes en lollig geouwehoer.
Graf wil natuurlik weaten woas dat in Neaderland uutsüt.
Freeske tostanden!
In et gesprek kümt ouk et klisjee an bud dat wy in Neaderland gin Freeske tostanden willet… Beatere ümstandigheiden vöär unse språke in dageliks leaven, höyger anseen by de lüde… ney dat müttet wy neet willen!
Reageren?
Låt uwe kommentaren up YouTube achter of doot uns ne duve an et bekende adres!
