China’s gröätste automark presenteert Zeekr as teagenhanger vöär Tesla

China’s gröätste automark presenteert Zeekr as teagenhanger vöär Tesla

China’s gröätste automaker Geely kümt med en hougwaerdig elektrisk automark wårmed as se Tesla wilt bekonkurreren. Et sounöömde Zeekr is bedoold as antwoord up China’s voordan groiende vråge når elektriske auto’s. Dat meldet de britske BBC.

Et chineeske bedryv, wat ouk Volvo en Lotus besit, kümt der med net nu Tesla-vöärman Elon Musk up verkoupreise in China is. Hee preys et land vöär öäre plannen üm öäre problemen med koalstofuutstout an te vatten. Ouk was hee dår üm chineeske sorgen oaver de boardkamera’s in Tesla’s vord te neamen.

Hougwaerdige EVs up basis van bestånde technology

Geely segt dat se med et mark Zeekr hougwaerdige EVs wilt maken en in et darde kwartaal van 2021 de eyrsten van de band rullet. De kennis halet se uut de andere automarken dee as se al hebbet: Polestar, en undermark van Volvo Cars, maket al elektriske duurryders. Et höyvdkantoor sit in Sweyden, mär et fabrik in China. Lotus, wat vöär et gröätste deyl eygendom van Geely is, warket an ne elektrisk anedreavene superwage den as Evija müt gån heaten.

Zeekr sal et noch suur krygen, want Tesla’s Model 3 was verleaden jår de bestverkoupende elektriske wage in China. Dårnöäst müttet se et upneamen teagen andere chineeske bedryve sou as Nio, Xpeng en Li Auto, dee as ouk beste cyfers hebbet.

Andere chineeske elektriske marken ståt ouk klår

Verleaden weak seade Dongfeng Motor, partner van Japans Nissan en Frankryks PSA Peugeot Citroen, noch dat dat öär nye elektriske mark Voyah al in july de eyrste auto’s kan leyveren.

Beijing eysket dat meyr as eynvyvde van alle verkochte wagens in China in 2025 elektrisk müt weasen. Geely wil China’s eyrste wearldwyde automaker worden, med ne selvde soart rekkewyde as Volkswagen. Nöäst öäre andeylen in Volvo en Lotus hebbet se ouk al en klein deyl van Daimler, et moderbedryv van Mercedes-Benz.

Lingling Technologies

De planning is dat Zeekr eyrst de chineeske markt upgeyt, mär up den duur ouk wyder de wearld invöört weagens ne toname in vråge når elektriske wagens. Vöär et mark wördt en ny bedryv lanceerd under de name Lingling Technologies, med et höyvdkantoor in Hefe in oust-China.

“Li Shufu, baas by Geely, wil syn 24 jår olde bedryv et gevööl van startend bedryv medgeaven, wat hee afkikt by NIO, Xpeng en Li Auto,” meynet Michael Dunne, uutvorend direktöör by ZoZo Go, en advyskantoor vöär de asiatiske automarkt. “Dat wil volgens üm et beste med en elektrisk baby-bedryv, Lingling Technologies, wat unafhangelik van Geely kan warken.”

Dinksdag gavven Geely en jårverslag uut, wårin stünd dat et bedryv 1,32 miljoon auto’s had emaked in 2020. Et jår dårvöär warren et der 1,36 miljoon.

Tesla’s sükerpröätjes

De chineeske ståtstelevisy sünd verleaden dinksdag en interview uut med Tesla’s vöärman Elon Musk. Den deade et land der süker an döär te seggen dat hee under den indruk was van China’s vyvjårenplan üm de koalstofuutstout weaderümme te brengen.

Beijing hevt medwarkers van et leyger en de regeyring verböäden üm Tesla’s te ryden, ümdat se der neet geröste up sint wo as den automaker ümmegeyt med de data dee as hee in China versamelt.

Musk seade verleaden wekkeneande noch teagen chineeske politici en sakenlüde dat Tesla nooit informaty van de chineeske wagens an de Vereynigde Ståten of andere landen solde döärspöälen.

Et chineeske leyger had al eyrder esegd dat se besorgd warren oaver de data van de boordkamera’s in de auto’s.

Volgens oapenbåre brunnen was de chineeske markt good vöär eynvyvde van Tesla’s wearldwyde winst van meyr as $ 31.5 miljard (€ 22 miljard) in 2020.

admin

Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.