Noorske Eerste Minister spölt Pokémon GO in et parlemeant
Der warren al wal mear regearingsleu in de Kamer trappeerd met et spölleke, mer dit moal was et de Eerste Minister zelf.
Erna Solberg, de Noorske Eerste Minister, wör trappeerd met et spelleke Pokémon GO tiedens een debat in et Storting, et Noorske parlemeant. Det zee gek is op et spölleke is gin niejs. Tiedens ne offisjele reaize noar Slowakieje gung zee der ook al tuskenoet um et spölleke te spöllen. Ze zea tegen verslaggewers at ze gearne een antal van öare 10km-eier wol loaten oetkommen.
Et is zelfs neet et eerste moal at Noorske politieker met et spölleke snapt wordt in et parlemeant.
De leadster van de Liberale Partieje, Trine Skei Grande, spöllen et tiedens ne gaddering oawer nasjonale zekerhead verleden Augustus, toen as de Pokémon GO-manie et slimst was.
Dreemoal roaden wee as der an et woard was toen as Solberg drok was to catch ‘em all? Juust, Grande zelf.
@eivindtraedal @erna_solberg hun hørte nok hva jeg sa ? vi damer klarer to ting samtidig veit du.
— Trine Skei Grande (@Trinesg) 5 oktober 2016
Grande kon der zelf wal umme lachen en tweeten: “Zee heurn genog van wat ik zea. Vieleu vrouwleu köant twee dinge tegelieke, wee’j wal.”
Volgens et Noorske TV2 zea Solberg: “Ik deanke at Trine et wal kan lieden det ik et spölleke lösdeed toon as zee doar steund.”
Duur Elena Cresci
Woonsdag 5 oktober 2016
Welle: TheGuardian.com
