Nit so eynvoldig: Samsung Galaxy Fold mangs al nå 2 dage kaput

Veer tech-verkenners van Samsung’s voldbåren strykfoon, de Galaxy Fold, seaden dat et beyldskarm al nå twey dage kaput güng.

De wearld kent twey soorten lüde: dee wat et plastik beskarmvelleke medeyne van öären nyen telefoon trekket en dee wat ne so lange möägelik låt sitten.

Bloombergs tech-verkenner Mark Gurman höyrt skynbår by de eyrsten. Syn voldbåre strykbut begavven et al nå twey dage.

Et probleem med de upvoldbåre mobil van Samsung leak med et plastik velleke te maken te hebben. Dat mus ja blyven sitten.

Nen anderen probeerder sea dat der nen bült under et skarm van Galaxy Folds köäm, den uuteandelik knappeden.

Volgens Samsung selv müt de Galaxy Fold probleemloos minstens 200.000 mål lös en dichte künnen volden, mär sommigen holdet et oupenbår mär een paar dage vul.

Et süüdkoreaanske bedryv har der wal by segd dat et velleke der nit af must, mär volgens techverkenners Gurman en Brownlee nit düdelik genog. Volgens de twey had et düdeliker by et verkoupverloup esegd mütten worden.

Mär nu blikt dat de Samsung Galaxy Fold by eyn techverkenner ouk kaput güng den as et velleke har låten sitten. Steve Kovach van CNBC deyd der woonsdag nen tweet uut med nen video van een Samsung Galaxy Fold med knipperend skarm wår et velleke noch vöär sat.

Samsung hevt noch ginnen reparatydeenst vöär de Galaxy Fold. Teagen Business Insider verklården Samsung:

“Een beparked antal vöärloupige Galaxy Fold-probeermodellen sint uutstüred når de media üm te beoordelen. Wy hebbet een antal meldingen kreagen oaver et höyvdskarm dårvan. Dat gåt wy nauw bekyken.
Ouk hebbet wat techverkenners angeaven dat se de boavenste låge van et skarm trökken hebbet. Dat hevt et skarm beskadigd. Et höyvdskarm van de Galaxy Fold hevt nen topbeskarmlåge. Dat is deyl van de beyldskarmupbouw dat krassen müt teagenholden. As y dat der afhaalt of selv dinge gåt upplakken kan dan skade upleyveren. Wy gåt dervöär sorgen dat dee boadskap düdelik by unse klanten oaverkümt.

Oaver reparatymöägelikheden nöömden se niks.

Up 26 april geyt de Samsung Galaxy Fold in de lösse verkoup. Vanaf verleaden måndag kun y u al vöärinskryven.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.