Mars Express fotografeyret prachtigen yskrater up Roden Planeet

Toch noch nen witten Karst, mär dan up Mars. De rüümtesonde Mars Express van et Europeeske Rüümte Agentskap (ERA) vüng een beyld van nen krater up Mars van 82 km in döärsnede. Et prachtige plaatjen kümt as vöärbereiding up de vyring dat de sonde 15 jår eleyden up karstoavend begün an syne umcirkeling van de Rode Planeet. ‘n Korolev-krater wördt eskatted up 1,8 km deepte, wårin 2200 kubyken kilometer ys müt liggen. De meteoorkule is enöymd når raketingeniöör en rüümteskipontwarper Sergei Korolev, de vader van de russiske rüümtevårttechnology.

De Mars Express wör afsköäten up 2 juni 2003 en bereikeden Mars ses månden later up 25 december.

Volgens ERA “löt et beyld seen wat likt up ne grote vlakte värske sney – nen dröym vöär yderen wintersporter. Toch is et wat te wyd vöär nen last-minute weekend der tüskenuut.”

Üm et beyld te maken, legden et Agentskap uut, wörden vyv ‘streppels’ van de Hoge Resoluty Stereo Kamera samen evoogd töt eynen foto.

De Mars Express hevt seet kort geselskap van NASA’s nye InSight-probe, den ny lecht müt skynen oaver wodöänig den Roden Planeet evörmed is en wo et der van binnen uutsüt, döär den kern, körst en mantel in kaarte te brengen.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.