Nye stichting vöär neadersassisk up skole

De neaderlandske vereyniging vöär språkleararen hevt de afdeyling “Levende Talen Nedersaksisch” upricht. Dat is te leysen up Tubantia.nl.

De nye stichting höldet sik gangs med professionalisering van et lesgeaven in et neadersassisk, et anjagen van uutwesseling en verbeatering van lesryges en bydragen an ne algemeyne positive holding oaver et neadersassisk up skolen.

Herman Finkers en Hendrik Jan  Bökkers 

Vöärdat et officiääl grunded is, sint al 43 lüde lid wörden. Dårunder sint meisters en jüffen uut et laegere underwys, middelbår en höyger underwys. Dårnöäst hebbet sik verskillende Bekende Nedersaksen anslöäten. Herman Finkers wil meddenken en ouk den sallandsken sanger Hendrik Jan Bökkers van de rockgrup Bökkers is der by. Den lätsten hevt selvs ne lesbevoogdheid. Dee warket med an ne untwikkeling van de learlyne neadersassisk up de laegere skole. Ouk de provincys Drenthe, Grönningen, Freesland, Gelderland, Oaveryssel en de gemeynden Oust- en Weststellingwarv hebbet öäre stüt toosegd.

Plannen vöär 2019

In 2019 wil Levende Talen Nedersaksisch drey saken terechte krygen: nen studydag Nedersaksisch up 21 juni in Zwolle, nen warkdag Landelijke Studiedag Levende Talen up 1 november wår een grötter publik informeerd wördt oaver de meyrwaerde van regionale språken in et underwys en et inrichten van ne online ümgeaving vöär lesmateriaal, wår as leararen spül weg köänet halen.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.